• 12:03 – Թուրքական էքսպանսիա Վրաստանում. Իսլամացումը սարերի հետևում չէ 
  • 09:25 – Չի բացառվում, որ Ալիևն էլ ներշնչվի Էրդողանից ու ինքն էլ սկսի անհեռատես քայլեր ձեռնարկի 
  • 22:34 – ՀՀ կառավարության նվերը Վանաձորին 
  • 12:03 – Թուրքական էքսպանսիա Վրաստանում. Իսլամացումը սարերի հետևում չէ 
  • 09:45 – Արտակարգ դեպք Արարատի մարզում. Արտաշատի թիվ 5 դպրոցի 15-ից ավելի երեխաներ տեղափոխվել են հիվանդանոց 
  • 14:18 – Արմեն Ջիգարխանյանն այժմ բացարձակ երջանիկ է.միացել է նախկին կնոջ հետ 

Սերժ Սարգսյանը չի զբաղեցնի ո՛չ նախագահի, ո՛չ ԱԺ նախագահի, ո՛չ էլ վարչապետի պաշտոնը

ՀՀԿ ԳՄ և խորհրդի նիստերից հետո ՀՀԿ գործադիր մարմնի անդամ, ՀՀ կառավարության աշխատակազմի ղեկավար-նախարար Դավիթ Հարությունյանը ԳԱԼԱ-ի հարցին ի պատասխան, թե ՀՀԿ մեծամասնական ընտրակարգով ընտրված պատգամավորները ԳՄ և խորհրդի նիստերում ՍԴ բարեփոխումների նախագծի 4-7 գլուխները քննարկելիս դժգոհություն չեն արտահայտել, որ այս փոփոխություններով փաստորեն դուրս է գալիս մեծամասնական ընտրակարգն, ասաց.

«Այդ առումով որեւէ դժգոհություն չի հնչել, որովհետեւ ներկայացվել է, թե ինչով է դա պայմանավորված, դա բավականին տարածված մոտեցում է, իհարկե կան ավանդական խորհրդարանական երկրներ, որոնք կառուցված են մեծամասնական ընտրակարգի վրա, սակայն բոլոր երիտասարդ ժողովրդավարություններն որպես կանոն հենվում են համամասնական ընտրակարգի վրա»:

Հիշեցնենք, որ ըստ Սահմանադրական բարեփոխումների մասնագիտական հանձնաժողովի  առաջարկի, մեծամասնական ընտրական համակարգը վերանալով՝ խորհրդարանում  հայտնվում է  առնվազն 101 պատգամավոր, որոնք ընտրվելու են բացառապես համամասնական համակարգով: Սակայն, եթե ընտրությունների առաջին փուլի արդյունքում կայուն մեծամասնություն չձեւավորվի, ապա անցկացվելու է քվեարկության երկրորդ փուլ՝ առավելագույն ձայներ ստացած երկու կուսակցությունների կամ կուսակցությունների դաշինքների մասնակցությամբ: ՀՀԿ մամլո խոսնակ Էդուարդ Շարմազանովը, խոսելով մեծամասնական ընտրակարգով ընտրված պատգամավորների հնարավոր դժգոհությունից, ասաց.

«Առաջնային փուլում 101 է ֆիքսված, բայց վերին շեմը ֆիքսված չէ, և երկրորդ փուլի անցկացման պարագայում ես չեմ բացառում, որ մենք նույն ձեւ ունենանք 131 պատգամավոր: Ամեն ինչ կախված է երկրորդ փուլից»:

ՍԴ փոփոխությունների հետ կապված քաղաքական ուժերի մոտ հիմնական մտահոգությունն այն է, որ սա արվում է Սերժ Սարգսյանի իշխանավարման ժամկետը երկարաձգելու համար: Դավիթ Հարությունյանը ևս մեկ անգամ հերքեց այդ վարկածը՝ հիշեցնելով Սերժ Սարգսյանի այն  քաղաքական հայտարարության մասին, որ ՍԴ փոփոխություններից հետո, ինքը չի պատրաստվում զբաղեցնել վարչապետի պաշտոնը: Դավիթ Հարությունյանի խոսքերով՝ Սերժ Սարգսյանը ՀՀԿ խորհրդի նիստում ևս մեկ անգամ վերահաստատել է, որ այս փոփոխություններից հետո ինքը չի զբաղեցնի ո՛չ նախագահի, ո՛չ ԱԺ նախագահի, ո՛չ էլ  վարչապետի պաշտոնը:

ԳԱԼԱ-ի այն հարցին, թե Սերժ Սարգսյանը բացի իր ազնիվ խոսքից ուրիշ ինչ երաշխիքներ է տալիս այն քաղաքացիներին, ովքեր մտահոգություններ ունեն, որ ամեն դեպքում, եթե պատգամավորները և ընտրիչներն իրեն ընտրեն որպես վարչապետ, ինքը կընդունի այդ առաջարկը.

«Նախ քաղաքական հայտարարություններն ունեն լուրջ կշիռ, հետո հանապետության  նախագահն, ըստ առաջարկվող փոփոխութունների,  հիմնականում արարողակարգային անձ է, չունի առաջնային մանդատ, նշանակում է իր լեգիտիմության աստիճանը չի կարող համադրվել ԱԺ-ի հետ: Հիմնական դերակատարը վարչապետն է: Երբ ՍԴ բարեփոխումները տեղի ունենան և ընտրվի հերթական Ազգային ժողովը,  դեռևս ՀՀ նախագահի ժամկետն ավարտված չի լինի, ես չեմ կարծում, որ որեւէ ողջամիտ անձ կթողնի նախագահի պաշտոնը և կորոշի դառնալ վարապետ, սա ևս չի տեղավորվում քաղաքական տրամաբանության մեջ:  Այնուամենայնիվ, քաղաքական հայտարարություններն ունեն իրենց կշիռը»:

скачать шаблон для dle скачать бесплатно фильмы

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել FMG NEWS-ի խմբագրության տեսակետների հետ:

Դիտումների քանակ: 672


Կիսվեք Ձեր ընկերների հետ
Ձեր Մեկնաբանությունը
иконка
Կայքում հոդվածները մեկնաբանել կարելի է միայն հրապարակման օրից 90 օրերի ընթացքում.
  • Կարդում են
  • Այսօր
  • Թոփ 12
Հայաստանը այսօր
Սոցիալական ցանցեր
  • Facebook
  • Вконтакте
  • Twitter
Սպասվող իրադարձություններ
Գեղեցկության Մրցույթներ
Ժամանց

→ FMG

Օպերատիվ ամփոփագիր