• 11:18 – Վրաստանի վարչապետ Մամուկա Բախտաձեն հրաժարական տվեց 
  • 10:06 – Հայաստանում կգործի օզոնաանվտանգ սառնարանային նոր պահեստ, որը նաև չի վնասի կլիմային. Տեսանյութ 
  • 17:30 – Գյումրիի քաղաքապետը ներկայացրեց փողոցաշինության աշխատանքների ընթացքը 
  • 09:00 – Քոչարյանի աջակիցները ծեծելով կոտրել են քաղաքացու ոտքը. 
  • 11:30 – Կրակոցներ՝ «Նաիրիտ» գործարանի դիմաց 
  • 14:18 – Արմեն Ջիգարխանյանն այժմ բացարձակ երջանիկ է.միացել է նախկին կնոջ հետ 

Մենք հոգնել էինք այդպիսի կյանքից.քույրերը պատմել են հոր կողմից գործադրված նողկալի սեռական բռնությունների մասին

Մենք  հոգնել էինք այդպիսի կյանքից.քույրերը պատմել են հոր կողմից գործադրված նողկալի սեռական բռնությունների մասինՌուսական լրատվամիջոցները հրապարակել են 57-ամյա Միխայիլ Խաչատուրյանի դաժան սպանության համար մեղադրվող երեք դուստրերի առաջին ցուցմունքների սղագրությունը: Հարցաքննությունների ժամանակ աղջիկներն ամենայն մանրամասնությամբ պատմել են հոր հետ համատեղ կյանքի, նրա կողմից գործադրված նողկալի սեռական բռնությունների մասին:



Ինչպես նշում է gazeta.ru-ն, քույրերից ավագի՝ Քրիստինա Խաչատուրյանի փաստաբան Ալեքսեյ Լիպցերը, ծանոթանալով սղագրության բովանդակությանը, նշել է, որ քույրերի ցուցմունքները չափազանց նման են այն ամենին, ինչն իր ներկայությամբ պատմել է Քրիստինան: 



Միջնեկ դուստրը՝ Անգելինան, առաջին հարցաքննության ժամանակ պատմել էր, որ հայրն իր նկատմամբ սեռական ոտնձգությունն էր կատարել դեռևս այն ժամանակ, երբ ինքը 15 տարեկան էր: Դեպքը տեղի է ունեցել 2014թ., երբ նրանք երկուսով Իսրայել էին մեկնել:

«Մի քանի օր անց, երբ հյուրանոցում էինք, հրամայեց հագուստս հանել ու պառկել մահճակալին: Ես վախից ենթարկվեցի»,-պատմել է Անգելինան:



«Հետո նա ասաց, որ ես իր դուստրը չեմ, և երբ լրանա 18 տարեկանս, պետք է իր կինը դառնամ»,-ասել է աղջիկը:



Նա պատմել է, որ հաջորդ օրը հայրը ևս անբարո գործողությունների է դրդել իրեն, իսկ ինքը վախից դրդված ենթարկվել է: Անգելինայի խոսքով՝ սեռական բռնությունները շարունակվել են ևս չորս տարի:



«Նա միշտ ասում էր, որ շնանալը մեղք է, բայց քանի որ մենք իր դուստրերն ենք, ապա նա կարող է մեզ հետ իր ուզածն անել, և մենք պարտավոր ենք ենթարկվել»,-շարունակել է Անգելինան:

Մինչդեռ Քրիստինան խոստովանել է, որ հոր արարքների պատճառով փորձել է ինքնասպան լինել: Դա տեղի ունեցել 2016թ., երբ իրենք բոլորով հանգստանում էին Ադլերում. հայրն ավագ դստերը ստիպել է իր հետ սեռական հարաբերություն ունենալ: Այդ ժամանակ Քրիստինայի ինքնազգացողությունը վատացել է, նա սկսել է շնչահեղձ լինել, սենյակից դուրս է փախել: Նա հոր պայուսակից ինչ-որ դեղեր է հանել ու խմել, որպեսզի վերջ տա կյանքին: Սակայն քույրերը շտապօգնություն են զանգահարել, հիվանդանոց տեղափոխվելուց հետո բժիշկները ստամոքսի լվացում են արել և աղջկան տուն ուղարկել: Միխայիլ Խաչատուրյանը բժիշկներին ասել է, թե դուստրն իբր շփոթել է դեղահաբերն ու թունավորվել:

 



 Հարցաքննության ընթացքում Անգելինան հայտարարել է, որ հոր կողմից սեռական բռնության մասին պատմել է միայն քույրերին, իսկ Քրիստինան՝ իր ընկերուհիներից երեքին:



Սղագրության առանձնահատկությունն այն է, որ քույրերի ցուցմունքները շատ հաճախ բառ առ բառ համընկնում են:

 



 

Աղջիկների խոսքով՝ սպանությունից մեկ ամիս առաջ հոր մոտ հոգեկան առողջության հետ կապված խնդիրներ էին ախտորոշվել, և նա համապատասխան բուժում էր անցել:



«Մենք քույրերով արդեն հոգնել էինք այդպիսի կյանքից, բայց վախենում էինք ինչ-որ մեկին դիմել, քանի որ նա ամենուր կապեր ուներ ու ամեն ինչի տակից կկարողանար դուրս գալ»,-պատմել է կրտսեր քույրը:



Նա հավելել է, որ ընտանեկան բռնության մասին բարեկամներից որևէ մեկի հետ խոսելուց իրենք ևս վախենում էին, քանի որ վստահ էին, որ իրենց ոչ ոք չէր հավատալու:

 



 

Հուլիսի 27-ի երեկոյան քույրերը մտել են հոր սենյակ և, տեսնելով, որ նա քնած է, սկսել են մուրճով ու դանակով հարվածներ հասցնել պարանոցի, գլխի, ինչպես նաև սրտի հատվածներում: Մյուս քույրը ցողացիր սարքով հատուկ նյութ է ցանել հոր աչքերին, որպեսզի նա կորցնի կողմնորոշումը:



Ցուցմունքների ընթացքում նրանք խոստովանել են, որ հորը սպանելուց հետո իրենց միտումնավոր վնասվածքներ են հասցրել, որպեսզի առաջ քաշեն ինքնապաշտպանության վարկածը: Նաև ցանկացել են պատմել, թե իբր հայրը դանակով հարձակվել է իրենց վրա, իսկ իրենք էլ պատահաբար սպանել են նրան կռվի ժամանակ:

 



 

Ներկայում քույրերին վերջնական մեղադրանք է ներկայացվել «Նախնական պայմանավորվածությամբ մի խումբ անձանց կողմից իրականացված սպանության» հոդվածով: Աղջիկներին մինչև քսան տարվա ազատազրկում է սպառնում: Գործի քննությունը շարունակվում է:



Միևնույն ժամանակ քույրերի պաշտպանական կողմը պնդում է, որ գործը պետք է վերաորակավորվի և դիտարկվի որպես ինքնապաշտպանության համար գործված սպանություն:

 





   











скачать шаблон для dle скачать бесплатно фильмы

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել FMG NEWS-ի խմբագրության տեսակետների հետ:

Դիտումների քանակ: 46


Կիսվեք Ձեր ընկերների հետ
Կարդացեք նաև:
Ձեր Մեկնաբանությունը
  • Կարդում են
  • Այսօր
  • Թոփ 12
Հայաստանը այսօր
Սոցիալական ցանցեր
  • Facebook
  • Вконтакте
  • Twitter
Սպասվող իրադարձություններ
Գեղեցկության Մրցույթներ
Ժամանց

→ FMG

Օպերատիվ ամփոփագիր