• 20:46 – Բոլոր ամբուլատոր-պոլիկլինիկական բուժհաստատություններում առկա են տեղեկատվական անկյուններ անհրաժեշտ տեղեկատվությունների համար 
  • 19:00 – Էջմիածինն ավտոբուսներ է նվեր ստացել Ֆրանսիայից 
  • 13:11 – Ինչու էր աղջկան գոմում պահում մարմաշենցի ֆերմերը. մանրամասներ՝ աղջիկը «թրաֆիքիգի» զո՞հ էր, թե՞ ոչ 
  • 11:30 – Մահացել է լեգենդար ֆուտբոլիստ Սարգիս Հովիվյանը 
  • 12:10 – Տեսանյութ. ՃՈ աննախադեպ ուժեղացված ծառայություն. ներգրավվել է նաև ուղղաթիռ 
  • 10:00 – Քարդաշյանին մեղադրում են. Կիմոնոն ճապոնական է, հանել եք դրա իմաստը և վերագրել եք ձեր բրենդին 

«Փարիզի այրվող սիրտը».Ո՞րն էր կրակի այդքան արագ տարածվելու պատճառը

«Փարիզի այրվող սիրտը».Ո՞րն էր կրակի այդքան արագ տարածվելու պատճառըԲրիտանական Daily Mail պարբերականն անդրադարձել է Փարիզի Աստվածամոր տաճարի հրդեհին՝ փորձելով հասկանալ՝ որն էր կրակի այդքան արագ տարածվելու և 850-ամյա շինությունը կարճ ժամանակում կլանելու պատճառը:

Նշվում է, որ Ֆրանսիայի մշակութային և հոգևոր խորհրդանիշն ի սկզբանե կառուցված է եղել 1300 ծառից, ինչն էլ շինության հրավտանգ լինելու գլխավոր պատճառն է:

Ապրիլի 15-ին սկսված հրդեհը կարճ ժամանակում տարածվել է դրա՝ ամբողջովին փայտից կառուցված ներքին սրահում: Այնուհետև փլուզվել է աշտարակներից մեկը:

Պարբերականը մանրամասնում է, որ 850 տարի առաջ կառուցված տաճարի կմախքն ամբողջությամբ գերաններից է:

 «Ամեն ինչ այրվում է, կմախքից ոչինչ չի մնա»,-ահազանգել էր տաճարի խոսնակ Անդրե Ֆինոն՝ մանրամասնելով, որ փայտե գերանները նաև տաճարի 35 մ բարձրությամբ տանիքի հիմքն են:

Հայտնի է, որ տաճարի հնացած փայտյա կմախքը տևական ժամանակ մտահոգության առիթ էր տալիս, ուստի իշխանությունները սկսել էին 6,8 մլն եվրո արժողությամբ վերանորոգման ծրագիր, որը պետք է երկարաձգեր պատմական շինության կյանքը:

Ըստ նախնական տվյալների՝ կրակը սկսվել է աշտարակի մոտ, ինչն էլ հիմք է տալիս ենթադրելու, որ դա վերանորոգման աշխատանքների հետևանք է: Այնուհանդերձ՝ իշխանությունները դեռևս չեն հայտնել հրդեհի իրական պատճառը:

Բրիտանական The Guardian պարբերականը ցավակցություն է հայտնել Փարիզին «սարսափելի կորստի» առնչությամբ:

«Այնպիսի տպավորություն է, ասես հենց Ֆրանսիայի սիրտն ու Եվրոպայի հոգին են անսպասելիորեն և չարամտորեն պոկել»,- գրում է պարբերականը:

«Թվում էր՝ երբ փլվեց տաճարի աշտարակը, դրա հետ փլվեց նաև ամբողջ աշխարհը: Փարիզցիները լալիս էին փողոցներում: Իսկապես, ամբողջ աշխարհն էր լալիս»,- գրում է The Independent պարբերականը:

Ամերիկյան New York Times-ը նշում է, որ հրդեհն ամբողջ աշխարհի վիշտն է հարուցել: Պարբերականի հավաստմամբ՝ հազարավոր փարիզցիներ նետվել են Սենայի ափերի մոտ՝ հետևելու, թե ինչպես են կրակի լեզվակները լափում տաճարը:
 
«Հեռուստատեսային և մալուխային կայաններն ընդհատել են իրենց սովորական աշխատանքը՝ հեռարձակելու համար սարսափելի աղետի երկարատև և անընդհատ լուսաբանումը: Փարիզցիների համար տաճարն իրենց քաղաքի պատմության մեծագույն խորհրդանիշն է: Փարիզի Աստվածամոր տաճարն ամբողջ աշխարհին է պատկանում, և այժմ դրա մեծագույն գանձերից մեկն անասելի վնաս է կրել»,- գրում է New York Post-ը:

Բրիտանական Evening Standard օրաթերթն անդրադառնում է խիզախ հրշեջներին, որոնք փորձել են փրկել թանկ մասունքները, մինչդեռ մյուսները «դժոխքի դեմ պայքարում էին դրսից»:

«Չնայած հարյուրավոր հրշեջների ջանքերին՝ հրդեհը ժամեր է տևել: Հրշեջներն ամբողջ գիշեր անընդմեջ աշխատել են, և արդյունքում նրանց հաջողվել է փրկել տաճարի հիմնական կառույցը», գրում է USA Today-ը: 

Բրիտանական Daily Mail պարբերականը հաղորդում է, որ շատ ականատեսներ կասկածել են, թե արդյոք հրշեջները բավականաչափ պատրաստված են նման բարձրության կրակը մարելու համար:

Ամերիկյան Washington Post-ը գրում է, որ Աստվածամոր տաճարը «չի մահացել և կրկին վեր կխոյանա, սակայն երբեք այլևս նախկինը չի լինի»: Թերթը նաև գրում է, որ տաճարի անկումը մեծ հարված է Փարիզի և ամբողջ աշխարհի համար: 

«Ամենակարևոր հարցն այն է, թե ինչ աստիճանի է վնասվել քարե վերնաշենքը: Եթե անգամ որոշ քարե կամարներ չեն փլվել, կրաքարե ցանկացած շինություն երկար ժամանակ կրակի մեջ գտնվելուց հետո կթուլանա: Այդ քարե պատերը կարելի է փոխարինել, իսկ վիտրաժային ապակիները՝ ոչ»,- գրում է Wall Street Journal-ը:

Բրիտանական The Telegraph պարբերականը նշում է, որ Մեծ Բրիտանիան նույնպես առնչվել է նման ավերածությունների՝ հիշեցնելով Վինձորյան և Հեմփթոն-Քորթ ամրոցների, ինչպես նաև Յորքի տաճարի հրդեհը:

Հիշեցնենք, որ երեկ Փարիզի Աստվածամոր տաճարում խոշոր հրդեհ էր բռնկվել, որի հետևանքով փլվել էր տաճարի աշտարակը: Դեպքի վայր էին ժամանել Ֆրանսիայի նախագահն ու վարչապետը: Հրդեհաշիջման աշխատանքներին շուրջ 400 հրշեջ է մասնակցել: Հրդեհի հետևանքով տաճարը մեծապես տուժել է: Ֆրանսիական լրատվամիջոցների տվյալներով՝ հրդեհը կարող է կապված լինել տաճարում վերանորոգման աշխատանքների հետ:

Ավելի ուշ հաղորդվել էր, որ կրակը մարվել է, իսկ շինությունների փլուզումը շարունակվում է:
скачать шаблон для dle скачать бесплатно фильмы
Աղբյուր:http://FMG.NEWS
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել FMG NEWS-ի խմբագրության տեսակետների հետ:

Դիտումների քանակ: 93


Կիսվեք Ձեր ընկերների հետ
Ձեր Մեկնաբանությունը
иконка
Կայքում հոդվածները մեկնաբանել կարելի է միայն հրապարակման օրից 90 օրերի ընթացքում.
  • Կարդում են
  • Այսօր
  • Թոփ 12
Курсы валют ЦБ РФ09.06.2016
USDКурс Доллара00.00000.000
EURКурс Евро00.00000.000
GBPКурс Фунта00.00000.000
BYRКурс белорусского рубля00.00000.000
UAHКурс гривны00.00000.000
AMDКурс Армянского драма00.00000.000
AZNКурс азербайджанского маната00.00000.000
Սոց. ցանցեր
  • Вконтакте
  • Facebook
  • Twitter
Մամուլի Տեսություն